Тэзэ, чацвер 22 жніўня – нядзеля 25 жніўня 2019 г.
Мы радыя запрасіць вас на гэтыя выходныя сяброўства паміж хрысціянскае і мусульманскае моладдзю. Калі ты ўжо раней часцяком быў/была ў Тэзэ, калі ласка, паінфармуй пра тое сваіх мусульманскіх сяброў. Асаблівым чынам мы запрашаем моладзь ва ўзросце 18-35 гадоў. Акрамя звычайнае праграмы Тэзэ будуць адбывацца таксама спецыяльныя хрысціянска-мусульманскія семінары і сустрэчы, прысвечаныя больш глыбокаму разуменню розных традыцый.
- Хто можа прыехаць? ↓
Асаблівым чынам мы запрашаем моладзь ва ўзросце 18-35 гадоў. Неабавязкова быць практыкуючым хрысціянінам ці мусульманінам, каб прыняць удзел у сустрэчы. Кожны, хто пачуваецца зацікаўленым тэматыкаю гэтых выходных, у тым ліку людзі без асаблівых сувязяў з нейкае рэлігіяю альбо прыналежныя да іншае канфесіі, можа ўдзельнічаць у сустрэчы.
Астатнія ўзроставыя групы мы запрашаем да звычайнае праграмы сустрэч у Тэзэ. Інфармацыю можна знайсці на старонцы Узроставыя групы.
Могуць прыехаць таксама 17-гадовыя падлеткі пры суправаджэнні апякуна, старэйшага за 18 гадоў, і наяўнасці пры ніх падпісанага бацькоўскага дазволу.
- Даты ↓
Прыбыццё пасля апоўдня ў чацвер 22 жніўня перад 18:00, калі тое магчыма. Першыя ўводзіны ў тэматыку - раніцаю пятніцы а 10:00 Падсумаванне і ад’езд: нядзеля 25 жніўня, пасля 11:30 Для тых, што яшчэ застаюцца, а 13:00 абед
[- Таксама можна застацца на тыдзень разважанняў для моладзі ва ўзросце 18-35 гадоў, які пройдзе ад 26 жніўня па 1 верасня].
- Хрысціянскія і мусульманскія малітвы ↓
Для мусульманскіх малітваў цягам сустрэчы будзе прызначаны спецыяльны пакой.
Усе прысутныя запрошаныя да супольнае малітвы братоў з Супольнасці Тэзэ. Малітва галоўным чынам складаецца з медытатыўных спеваў, большасць з якіх абапіраецца на радках з Бібліі. Кожны вольны ўдзельнічаць ці не ўдзельнічаць у спеве. Хрысціяне маюць права прысутнічаць на мусульманскае малітве. Адпаведным захаваннем і павагаю будзе аднак прысутнасць у канцы пакою і без удзелу ў малітоўных позах і паставах у часе малітвы.
- Рэгістрацыя ↓
Рэгістрацыя магчымая ўжо зараз оnline; трэба толькі дадаць у каментарыях: Muslim-Christian friendship Weekend. Перайсці да рэгістрацыйнае формы.
Па ўсіх пытаннях і па інфармацыю пішыце да нас meetings taize.fr
УВАГА: З некаторых краін у Тэзэ рэгулярна арганізоўваюцца спецыяльныя рэйсы, аўтобусы якіх таксама забіраюць пілігрымаў у нядзелю назад (глядзі інфармацыю тут). Таму для цябе можа быць прасцейшым скарыстацца адным з такіх аўтобусаў, прыбываючы і ўдзельнічаючы ў праграме цягам першае паловы тыдня, як тое звычайна адбываецца ў Тэзэ, а пазней у пятніцу змяніць на спецыяльную хрысціянска-мусульманскую праграму.
З радасцю чакаем на цябе! Ahla wa sahla!
