- Cape Town poster (click for full-size version)
Да пабрання:
Плакат фармат pdf разам з праграмаю і практычнаю інфармацыяю Спеўнік на перыяд падрыхтоўкі
Некалькі тысяч маладзёнаў з Паўднёвае Афрыкі, мацярыка і з па-за афрыканскага кантыненту збярэцца разам на Пілігрымцы Даверу,
- каб святкаваць прысутнасць Хрыстуса, крыніцы супакою ды сапраўднага паяднання.
- каб маліцца, спяваць, перабываць у цішыні ды дзялцца вераю з тысячамі іншых маладых людзей.
- каб пазнаць людзей розных культур ды іх жыццё.
- каб дасведчыць Царкву, закваску еднасці ды камуніі ў чалавечае сям’і.
- каб быць прынятым у сем’ях.
Пабраць відэа (10 хв.) са старонкі Кароткая 2-хвілінная версія
Запрашэнне ад Цэркваў
Супольнасць Тэзэ адказала на запрашэнне царкоўных лідараў - арцыбіскупа Англіканскае царквы Табо Макгоба, каталіцкага арцыбіскупа Кейптаўна Сцівена Брысліна, прэзідэнта Паўднёваафрыканскае рады цэркваў, метадысцкага біскупа Зіпхо Сіва, вялебнага дра Густава Клаасена з Галандскае рэфармацкае царквы ... Два браты з Супольнасці перабываюць у ПАР ад пачатку лютага, каб наведаць мясцовыя абшчыны і распачаць падрыхтоўку да гэтае сустрэчы.
Ліст да ўдзельнікаў ад арцыбіскупаў Кейптаўна
Праграма сустрэчы
Штодзённая праграма будзе ўключаць супольныя малітвы і час на дзяленне ў групах. Ранішняя частка будзе адбывацца ў парафіях ці мясцовых цэрквах, а ўжо пасля апоўдня і далей - у агульнай зале.
Удзельнікі сустрэчы ў Кейптаўне будуць расселеныя па парафіях ды мясцовых абшчынах. Такое асабістае запрашэнне будзе вельмі істотным момантам гэтае пілігрымкі. Моладзь будзе размешчаная па сем’ях у сціплых варунках.
Кожнага дня шатл-бус альбо адпаведны цягнік будзе забіраць маладзёнаў з мясцовых парафій на супольную частку праграмы, а потым адвозіць іх назад пасля вечаровае малітвы.
Прыязджаючы на гэтую сустрэчу ў Кейптаўне, мяркуецца поўны ўдзел у праграме з адпаведнаю падрыхтоўкаю сябе да гэтага загадзя.
Практычная інфармацыя
- Даты: прыбыццё, павітанне і першая супольная малітва адбудзецца раніцаю ў сераду 25 верасня, ад’езд - апоўдні 29 верасня, у нядзелю.
- Удзельнікамі могуць быць асобы ва ўзросце 18-35 гадоў.
- Засяленне і сняданкі адбудуцца ў прымаючых сем’ях.
- Простыя пасілкі будуць падрыхтаваныя апоўдні і ўвечары ў кожнае прымаючае парафіі падчас супольнага сабрання.
- Ад кожнае прымаючае парафіі на супольныя сабранні будзе арганізаваны транспарт.
Як самастойна падрыхтавацца?
- Маліся разам з мясцовае хрысціянскае абшчынаю альбо малітоўнае групаю. Гэта дапаможа зрабіць падарожжа больш духоўным, каб мець сувязь з жыццём уласнае парафіі, мясцовае хрысціянскае абшчыны альбо капеланам.
- Паразважай разам з іншымі над наступнымі пытаннямі: Як зрабіць сябе больш даступным для іншых, Бога і Царквы, а таксама над Пасланнем на 2019 год Не забываймася на гасціннасць!
- Развучы некаторыя рэфрэны спеваў Тэзэ.
- Пашукай вакол сябе людзей, што абуджаюць надзею, каб наведаць іх.
