Тэзэ, 14-18 ліпеня 2021 года
Мы радыя запрасіць вас на гэтыя выходныя сяброўства паміж хрысціянскае і мусульманскае моладдзю. Тэматыкаю гэтага ўжо трэцяга спаткання ў 2020 г. будзе “Вырушыць насустрач, жыць і дзейнічаць разам”. Людзей, якія ўжо раней прыязджалі да Тэзэ, мы заклікаем перадаць гэтае запрашэнне сваім сябрам-мусульманам. Асаблівым чынам мы запрашаем моладзь ва ўзросце 18-35 гадоў. Акрамя звычайнае праграмы Тэзэ будуць адбывацца таксама спецыяльныя хрысціянска-мусульманскія семінары і сустрэчы, прысвечаныя больш глыбокаму разуменню абедзвюх традыцый.
- Хто можа прыехаць ? ↓
Асаблівым чынам мы запрашаем моладзь ва ўзросце 18-35 гадоў. Неабавязкова быць практыкуючым хрысціянінам ці мусульманінам, каб прыняць удзел у сустрэчы. Кожны, хто пачуваецца зацікаўленым тэматыкаю гэтых выходных, у тым ліку людзі без асаблівых сувязяў з нейкае рэлігіяю альбо прыналежныя да іншае канфесіі, можа ўдзельнічаць у сустрэчы.
Астатнія ўзроставыя групы мы запрашаем да звычайнае праграмы сустрэч у Тэзэ. Інфармацыю можна знайсці на старонцы page.
Могуць прыехаць таксама 17-гадовыя падлеткі пры суправаджэнні апякуна, старэйшага за 18 гадоў, і наяўнасці падпісанага бацькоўскага дазволу.
- Даты ↓
Прыбыццё пасля апоўдня ў сераду (да 18:00), калі тое магчыма. Першыя ўводзіны ў тэматыку - раніцаю чацвярга а 10:00 Падсумаванне ў суботу а 15-ае гадзіне, пасля чаго а 17-ае гадзіне апошнія тэматычныя сустрэчы Выезд у суботу вечарам ці раніцай у нядзелю, пачынаючы з 11:30; нядзельная Эўхарыстыя адбудзецца ў 10 гадзін раніцы, затым выезд альбо абед для тых, хто не з’ехаў (13 гадзін).
- Хрысціянскія і мусульманскія малітвы ↓
Для мусульманскіх малітваў цягам сустрэчы будзе прызначаны спецыяльны пакой у паямшканнях Абшчыны.
Усе прысутныя запрошаныя да супольнае малітвы братоў з Супольнасці Тэзэ. Малітва галоўным чынам складаецца з медытатыўных спеваў, большасць з якіх абапіраецца на радках з Бібліі. Кожны вольны ўдзельнічаць ці не ўдзельнічаць у спеве. Хрысціяне маюць права прысутнічаць на мусульманскае малітве. Адпаведным захаваннем і павагаю будзе аднак прысутнасць у канцы пакою і без удзелу ў малітоўных позах і паставах у часе малітвы.
- Рэгістрацыя ↓
Рэгістрацыя магчымая ўжо зараз оnline; трэба толькі дадаць у каментарыях: «Muslim-Christian friendship Weekend». Перайсці да рэгістрацыйнае формы
Па ўсіх пытаннях і па інфармацыю пішыце да нас meetings taize.fr
УВАГА: З некаторых краін у Тэзэ рэгулярна арганізоўваюцца спецыяльныя рэйсы, аўтобусы якіх таксама забіраюць пілігрымаў у нядзелю назад (глядзі інфармацыю тут). Таму для цябе можа быць прасцейшым скарыстацца адным з такіх аўтобусаў, прыбываючы і ўдзельнічаючы ў праграме цягам першае паловы тыдня, як тое звычайна адбываецца ў Тэзэ, а пазней з чацвярга змяніць на спецыяльную хрысціянска-мусульманскую праграму. З гэтае нагоды ў сераду днём вам трэба будзе падыйсці да пункту «Welcome» і зарэгістравацца на адмысловую праграму Выходных.
З радасцю чакаем на цябе! Ahla wa sahla!
