Даты
- З 8 па 15 траўня 2022 г. Плануйце сваё прыбыццё 8 чысла, пажадана ў другой палове дня. Завершыцца паломніцтва раніцаю 15 траўня.
Узрост
- Для маладзёнаў ва ўзросце ад 18 да 35 гадоў.
Засяленне
- Наколькі гэта магчыма, рассяленне адбудзецца па сем’ях Святой Зямлі. Захапіце з сабою спальнік ды кілімок ці надзіманы матрац.
Праграма
- Наведванне галоўных месцаў Ерузалема і яго ваколіц у духу пілігрымкі. Супольная малітва раніцаю, апоўдні ды ўвечары, разважанне Бібліі, дзяленне з маладзёнамі з розных частак свету ды хрысціянамі са Святой Зямлі. Дзень над Галілейскім морам (Тыберыядскае возера) і малітва ў Назарэце. Ад чацвярга да суботы да нас далучыцца яшчэ болей хрысціян з Блізкага Усходу. Ранішняя праграма гэтых дзён будзе такой самаю, як падчас Еўрапейскае Сустрэчы. У другой частцы дня: малітва апоўдні ды ўвечары ў розных храмах Ерузалема. Часцяком абмеркаванне вечаровых тэм будзе прывязана да канкрэтных месц, дзе яны будуць адбывацца.
Кошты ўдзелу
- У гэтую хвіліну даволі цяжка казаць пра нейкую акрэсленую суму. Але варта спадзявацца, што тое будзе прыблізна каля 120 €, у суму якіх будзе ўваходзіць транспарт на месцы і харчаванне.
Рэгістрацыя
- Ужо зараз мы запрашаем цябе зарэгістравацца, як мага раней! Напішы нам на holyland2021 taize.fr. У пачатку 2022 г. вы атрымаеце ад нас камунікат, як зарэгістравацца на Пілігрымку. Калі ласка, не набывай сваіх авія-квіткоў перад тым, як твая рэгістрацыя будзе намі пацверджаная. На гэтым этапе пакуль ніхто не можа ведаць, дзе мы будзем знаходзіцца з пандэмічнай сітуацыяй, і нам трэба будзе адаптавацца да канкрэтных варункаў.
Пералёт
- Прылёт у міжнародны аэрапорт імя Бэн-Гурыёна ў Тэль-Авіве, што знаходзіцца ў гадзіне дарогі ад Ерузалема, дзе будзе прысутнічаць каманда, якая дапаможа табе з’арыентавацца па прылёце.
Візавыя пытанні
- Каб уехаць у Ізраэль табе патрэбны пашпарт. Упэўніся, што твой пашпарт будзе важны прынамсі 6 месяцаў пасля твайго выезду з Ізраэля. Калі табе патрэбны новы пашпарт, збяры ўсе неабходныя дакументы і атрымай новы пашпарт у адпаведна ранейшым перыядзе - да лістапада 2021 г.
- Грамадзяне Беларусі не мусяць мець уяздную візу, каб прыляцець у Ізраэль. Памежныя службы Ізраэля не пакідаюць у пашпартах штампаў аб перасячэнні мяжы, але выдаюць кожнаму прыбыламу ў аэрапорт Тэль-Авіва папяровы лісток блакітнага колеру, які выконвае функцыю рэгістрацыйнае картачкі падчас усяго часу побыту на тэрыторыі Ізраэля. Дадзеную картачку неабходна захаваць да моманту вылету з Ізраэля.
- Па прычыне складаных геапалітычных адносінаў у рэгіёне, у тым выпадку, калі ў вашым пашпарце будуць адзнакі аб наведванні Ірану альбо арабскіх краін (напрыклад, Лівану, Сірыі, Лівіі, Іраку, Судану, Емену і г.д.), у аэрапорце вас могуць затрымаць на даволі працяглы час спецыяльныя службы для больш дэталёвага высвятлення мэты вашае паездкі ў вышэйпералічаныя краіны, а таксама для шэрагу пытанняў адносна вашага візіту ў Ізраэль, вашае дзейнасці, працы, сям’і, заняткаў і г.д. Уся працэдура можа трываць нават да 5 гадзін, а часам й болей.
Побыт у Тэзэ
- Пажаданым з’яўляецца, калі б кожны патэнцыйны ўдзельнік Пілігрымкі на Святую Зямлю змог бы правесці тыдзень, прыехаўшы да нас у вёску Тэзэ ў летнія месяцы 2021 г. ці ў наступны перыяд аж да Вялікадня 2022 г..
Прачытай таксама: Пасланні царкоўных лідараў.
