Пасланне Яго Свяцейшаства Тэафіла ІІІ, праваслаўнага Патрыярха Ерузалема

Яго Свяцейшаства Патрыярх Ерузалема Тэафіл ІІІ дабраслаўляе ўсім маладзёнам, якія рыхтуюцца да пілігрымкі на Святую Зямлю ў лютым 2021 г., кіраванаю Абшчынаю Тэзэ ў супрацоўніцтве з Экуменічным інстытутам у Тантур.

Прыязджаючы да краіны, дзе пражываў і навучаў Езус, абвяшчаў Божае Валадарства, быў укрыжаваны і ўваскрос з памерлых, вы будзеце мець магчымасць дайсці да самых вытокаў хрысціянскае веры.

Тут жылі першыя сведкі ўваскрослага Хрыста. Парафіі ды сем’і будуць з радасцю вітаць вас на Святой Зямлі, калі вы будзеце вывучаць, якім чынам умацаваць веру ўва Уваскрослага Пана. Дзякуючы гэтаму вопыту гасціннасці, а таксама дзяленню з іншымі, вы пазнаёміцеся з самаю старажытнаю Царквою на свеце.

Няхай наш Пан і Збаўца, Езус Хрыстус, будзе з вамі на час падрыхтоўкі да гэтае пілігрымкі.

Пасланне Яго Эксцэленцыі арцыбіскупа П’ербатысты Піцабалы OFM, лацінскага Патрыярха Ерузалема

Дарагі браце Алоіс,

з вялікім задавальненнем я даведаўся пра ваш план узначаліць пілігрымку на Святую Зямлю ў траўні 2022 г., а са мною ўзрадаваўся ўвесь Лацінскі Патрыярхат, каб прыняць яе ды ўдзельнічаць у ейным плёне.

Нашыя парафіі ды сем’і з радасцю адчыняць вам дзверы. Гасціннасць у гэтае частцы свету - важная рэальнасць, пра якую неаднакроць узгадваецца ў Бібліі. Таму я не хвалююся з гэтае нагоды!

Ваш прыезд з моладдзю з Еўропы ды іншых краін стане для вас магчымасцю адкрыць для сябе не толькі месцы, але і людзей - Жывыя Камяні Касцёла. Для нашых вернікаў гэта будзе магчымасць больш уважліва раскрыць магчыма іншы спосаб перажывання веры, што таксама будзе для іх выдатным вопытам. Мы будзем разам маліцца і разам вывучаць, якім чынам сёння мы можам быць сведкамі Хрыста, падтрымліваючы адзін аднаго.

Экуменічнае вымярэнне вашае Супольнасці ўяўляе таксама шанец для нас і дазволіць нам падчас гэтае падзеі працягваць наш шлях братэрства з іншымі Цэрквамі.

Пасланне Яго Эксцэленцыі Юсефа Амера Маты, Арцыбіскупа Галілейскага для Мелькіцкай каталіцкай дыяцэзіі Акі, Хайфы, Назарэта і ўсёй Галілеі

Дарагі Браце Алоіс і прыяцелі Тэзэ па ўсім свеце,
Дарагія ўлюбёныя дзеці Бога,

мяне вельмі кранула інфармацыя пра маючую адбыцца ў траўні 2022 г. пілігрымку ды візіт моладзі з Еўропы, а таксама іншых кантынентаў на Святую Зямлю.

Мы цешымся і радуемся прывітаць вас у дыяцэзіі, нашыя парафіі адкрыты і гатовыя прыняць вас у сем’ях, каб вы пазнаёміліся з жывымі камянямі Галілеі, якія з’яўляюцца пераемнікамі вучняў Езуса Хрыста, нашага Збаўцы, Які крочыў сярод вёсак ў Галілеі і здзейсніў шмат цудаў.

Вы будзеце не толькі адчуваць сілу Жывога Божага Слова, але больш за тое, вы даведаецеся і цесна дакранецеся да веры гэтае хрысціянскае моладзі, якая змагаецца, але штодня жыве сваёю вераю праз добрую вестку аб тым, што наш Пан Езус Хрыстус уваскрос і перамог смерць.

Такім чынам, не бойцеся, набярыцеся адвагі, а мы з нецярпеннем чакаем, каб падзяліцца з вамі гэтым вопытам веры.