1. Прыняць удзел у спатканні, сустракаючыся з іншымі на мясцовым узроўні
Першым спосабам прыняць удзел у гэтае сустрэчы з’яўляецца прапанова сабрацца з некалькімі іншымі асобамі з вашага горада ці вёскі. Вы можаце ўчыніць тое рознымі спосабамі: выбраць месца, каб супольна правесці пяць дзён, альбо сабрацца на працягу дня, застаючыся пры гэтым дома, альбо сустрэцца цягам толькі аднаго дня.
Прапанаваная праграма будзе ўключаць у сябе трансляцыі супольных малітваў і тэматычных сустрэ з Тэзэ, а таксама прапановы, адаптаваныя да матэрыялаў, якія будуць апублікаваны ў сеціве ў пачатку снежня – тэксты з Бібліі ды пытанні для груп дзялення, а таксама зварот брата Алоіса на 2021 год.
- Мы будзем радыя звязацца з усімі, хто плануе арганізаваць нешта ў сваім горадзе ці паселішчы. Гэты кантакт таксама дапаможа нам лепей зразумець, якія прапановы будуць карысныя для вас прыканцы года, і як мы зможам дапамагчы вам у падрыхтоўцы. Каб час ад часу атрымліваць навіны аб падрыхтоўцы, да 23 снежня б.г. вы можаце зарэгістраваць сваю мясцовую ініцыятыву, карыстаючыся гэтае формаю.
2. Асабісты online-удзел
Той, хто не зможа прыняць удзел у сустрэчы разам з іншымі, можа прыняць удзел у сустрэчы індывідуальна.
Інтэрнэт-праграма будзе ўключаць наступныя элементы: супольныя малітвы, біблійныя разважанні, дзяленне з іншымі маладзёнамі праз сеціва, семінары.
- Дзеля таго, каб прыняць удзел у малых групах дзялення online, моладзі 18-35 гадоў неабходна зарэгістравацца да 10 снежня б.г., карыстаючыся адпаведнае платформаю.
Далейшая інфармацыя пра розныя спосабы ўдзелу ў сустрэчы неўзабаве будзе апублікаваная на старонцы Тэзэ.
У тым выпадку, калі вы аддаеце перавагу не ствараць невялікую групу ды не ўдзельнічаць у міжнародных групах дзялення online, на старонцы ў сеціве вы знойдзеце разважанні да тэматычных сустрэч і малітваў апоўдні і ўвечары. Каб атрымаць доступ да гэтых элементаў праграмы, рэгістрацыя вам не патрабуецца.
