Абшчына Тэзэ хацела б даць моладзі магчымасць прыехаць і дасведчыць гэтыя тыдні ў Тэзэ, навучаючыся дыстанцыйна, з магчымасцю падоўжыць гэты тэрмін знаходжання да пачатку ліпеня. У гэтым артыкуле вы знойдзеце некаторыя падрабязнасці гэтае прапановы. Асобы, якія прагнуць скарыстацца з гэтае магчымасці, могуць звязацца з групай прыёму, карыстаючыся формаю на доле старонкі.
Каб прытрымлівацца абмежаванняў на паездкі, мы просім тых, хто хоча правесці гэты час у Тэзэ, паважаць дзейныя абмежаванні, правесці тыдзень на каранціне па прыбыцці, а потым зрабіць тэст PCR. Варта запланаваць свой побыт, не карацейшым за тры тыдні: тыдзень у ізаляцыі, а потым - разам з рэштаю моладзі.
Што мы прапаноўваем
- Засяленне (хлопцы і дзяўчыны ў асобных памяшканнях)
- Тры пасілкі кожнага дня
- Шырокапалосны доступ да сеціва
- Магчымасць карыстання з пральні
Чаго мы чакаем ад вас
- Унёсак 60 € на тыдзень. Калі вы не ў стане аплаціць такую суму альбо - наадварот - маеце магчымасць ахвяраваць больш, згадайце пра гэта ў адпаведным полі ніжэй
- Удзел у штодзённых малітвах, на колькі тое дазваляе працэс вашага навучання
- Мыццё посуду пасля пасілкаў, а таксама ўборка жылля і парадак пры пасілках
- Павага да варункаў перабывання ў Тэзэ і абавязацельства выконваць усе меры аховы здароўя, якія дзейнічаюць у цяперашні час
Што мы можам прапанаваць валанцёрам
- Дзве біблійныя сустрэчы штотыднёва
- Практычныя абавязкі разам з валанцёрскае моладдзю цягам некалькіх гадзін штотыднёва
- Асабістая апека аднаго з братоў (для хлопцаў) ці сясцёр (для дзяўчат)
