Taizé - Версія для друку

У Супольнасці Тэзэ новы прыёр! У суботу, 2 снежня, у прысутнасці прадстаўнікоў некалькіх Цэркваў, шматлікіх сяброў Абшчыны і маладзёнаў, якія зараз знаходзяцца ў Тэзэ, брат Алоіс перадаў свае абавязкі брату Мэцью.

Пяцёра царкоўных іерархаў прачыталі малітву з нагоды інаўгурацыі брата Мэцью ў якасці «Слугі Супольнасці»: Бэнуа Рыўер, каталіцкі біскуп дыяцэзіі Атун, Шалон і Макон; праваслаўны мітрапаліт Максім з Канстанцінопальскага Патрыярхата (прадстаўніцтва ў Жэневе); біскуп Рэдынга Алівія Грэхэм, біскуп-суфраган Англіканскай Царквы; англіканская біскуп Хадэрсфілда Мадху Сміта Прасадам; пастар Ларан Шлюмбержэ, былы прэзідэнт Аб’яднанай пратэстанцкай царквы Францыі (фр. Église Protestante Unie de France). Таксама прысутнічалі пастар Крысціян Крыгер, прэзідэнт Пратэстанцкай федэрацыі Францыі, ды біскуп Рыгі Рынальдс Грантс з Латвійскай евангелічна-лютэранскай царквы.