Тыповы дзень у вёсцы Тэзэ

Ад самага пачатку Супольнасць натхнялі дзве рэчы: жыць у еднасці з Богам праз малітву ды быць закваскай супакою і даверу сярод чалавечае сям’і.

Перабыванне ў Тэзэ - гэта магчымасць пошукаў еднасці з Богам праз малітву, спеў, цішыню і разважанні. Гэта ўсё дае магчымасць наноў адкрыць унутраны супакой, сэнс жыцця і новы імпэт.

Дасвядчэнне дзялення сціплым жыццём з іншымі прыгадвае нам, што гэта як раз тое меца, дзе ў штодзённасці чакае на нас Езус.

Некаторыя маладзёны шукаюць шляхоў следвання за Хрыстом на ўсё сваё жыццё. Перабыванне ў Тэзэ можа дапамагчы ім распазнаць тое пакліканне.

- Кожнага дня браты Супольнасці рыхтуюць біблійнае разважанне, пасля чаго ёсць час на перабыванне ў цішыні і дзяленне ў малых групах.

- Пасля апоўдня адбываюцца варштаты, што маюць дапамагчы паглыбіць рэляцыі паміж вераю і жыццём праз галіны сацыяльнае працы, мастацтва і культуру, шуканне супакою для свету...

- Маладзёны, якія запрагнуць таго, могуць правесці выходныя ці нават увесь тыдзень у цішыні, каб мець час выслухаць, што ім у малітве, у Бібліі альбо праз падзеі ў іх жыцці кажа Бог.

Тыповы дзень у Тэзэ

З панядзелка па пятніцу

08:15 ранішняя малітва, затым сняданак
10:00 уводзіны дня разам з братам з Супольнасці, пасля чаго крыху часу на рэфлексію альбо дзяленне ў малых дыскусійных групах
12:30 малітва апоўдні, пазней пасілак
14:00 рэпетыцыя спеваў (для жадаючых)
Цягам другое часткі дня: міжнародныя малыя групы дзялення альбо група працы
17:15 падвячорак
17:45 тэматычныя семінары, пачынаючы ад аўторка
19:00 вячэра
20:20 вечаровая малітва, пасля чаго чуванне са спевамі ў храме, і потым цішыня

Пятнічная вечаровая малітва (перад ёю, а 20:00 малітва ў цішыні ў інтэнцыі супакою), пасля якой адбываецца малітва вакол Крыжа.

Субота
Ранак суботы паводле праграмы будніх дзён
15:15 тэматычныя семінары
20:20 вечаровая малітва са свечкамі як напамін пасхальнае таямніцы

Нядзеля
08:45 сняданак
10:00 Эўхарыстыя (каталіцкая Літургія)
13:00 пасілак
19:00 вячэра
20:20 вечаровая малітва

Printed from: https://www.taize.fr/be_article23520.html - 25 July 2024
Copyright © 2024 - Ateliers et Presses de Taizé, Taizé Community, 71250 France