Малітоўнае чуванне ў інтэнцыі клопату аб стварэнні: лістапад
Лістапад: прапанаваны парадак малітвы
Спеў
Let all who are thirsty come
Псальм
Alleluia 17 можа быць спявана паміж кожнымі строфамі
- Пан — мой пастыр, ні ў чым не буду мець нястачы,
- Ён дазваляе спачываць мне на зялёных пашах.
Да водаў спакойных вядзе мяне,
Ён душу маю пажыўляе.
- Накіроўвае мяне на сцежкі справядлівасці
дзеля Імя свайго.
- Калі нават пайду далінай смяротнага ценю,
не буду баяцца зла, бо Ты са мною.
Твой жэзл і Твой посах мяне суцяшаюць.
- Ты стол для мяне накрываеш
на вачах маіх ворагаў;
намашчваеш галаву маю алеем,
келіх мой перапоўнены.
- Сапраўды, дабрыня і міласэрнасць Твая будуць са мною
ва ўсе дні жыцця майго,
і пасялюся я ў доме Пана
на доўгія дні.
Фрагмент са Святога Пісання
Езус, адказваючы Нікадэму, сказаў яму: Сапраўды, сапраўды кажу табе: мы гаворым пра тое, што ведаем, і сведчым пра тое, што ўбачылі, а сведчання нашага не прымаеце. Калі Я сказаў вам пра зямное, і вы не верыце, то як паверыце, калі скажу вам пра нябеснае? Ніхто не ўзышоў на неба, акрамя таго, хто з неба сышоў, — Сын Чалавечы. Як Майсей узняў змея ў пустыні, так павінен быць узняты Сын Чалавечы, каб кожны, хто верыць у Яго, меў жыццё вечнае». Бо так палюбіў Бог свет, што аддаў Сына свайго Адзінароднага, каб кожны, хто верыць у Яго, не загінуў, але меў жыццё вечнае. Бо не паслаў Бог Сына свайго ў свет, каб судзіць свет, але каб свет быў збаўлены праз Яго.
Спеў
Ubi Caritas
Цішыня
Малітвы ў інтэнцыі стварэння
Першыя дзве малітвы паходзяць з тэксту энцыклікі папы Францішка Laudato Si’, тры апошнія былі атрыманыя ад Супольнасці Ёна і маладзёнаў з Тэзэ. Паміж малітвамі можна спяваць Kyrie 10.
1) Божа любові, мы давяраем Табе ўсіх маладзёнаў якія распачынаюць новыя праекты або бяруць на сябе абавязацельствы па клопаце аб планеце. - Цябе просім...
2) Божа, Стварыцель, Ты з намі кожны дзень; просім, падтрымлівай нас у нашых змаганнях на карысць справядлівасці, любові і спакою. - Цябе просім...
3) Каб мы вызваліліся ад усялякае трывогі. - Цябе просім...
4) Каб мы маглі навучыцца больш справядліва дзяліць рэсурсы нашае планеты паміж усімі - Цябе просім...
5) Каб пачуццё здзіўлення ад прыгажосці стварэння заставалася жывым унутры нас. - Цябе просім...
6) Стваральнік жыццяў, якія мы страцілі і зараз распачаем; учыні, каб мы ператварылі нашыя стрэльбы ў прылады сялянскае працы, нашыя ракеты ў матыкі, нашыя дроны ў камбайны ды вырошчвалі ежу для людзей у міры. - Пане, пачуй малітвы нашыя... (з Супольнасці Ёна ў Шатландыі)
7) Ойча Нябесны, мы дзякуем Табе за гэтую прыгожую Зямлю, якую Ты даў нам. Мы дзякуем Табе за самыя высокія горы, самыя глыбокія моры, самыя плоскія раўніны, самы дажджлівы лес, самую гарачую пустыню, самыя халодныя тундры. Мы дзякуем Табе за ўсё. Навучы нас чыніць усё магчымае, каб не нашкодзіць гэтае Зямлі, якую Ты даў. - Пане, пачуй малітвы нашыя... (са ЗША / Латвіі)
8) Пане Езу, Ты святло, якое выходзіць з цемры. Няхай Тваё святло асвятляе ўсіх людзей, якія ўдзельнічаюць у COP26, каб наш розум быў асветлены Тваім Евангеллем. (з Францыі)
малітва Ойча Наш
малітва брата Алоіса
Божа любові, калі мы перабываем ў Тваёй прысутнасці, Ты даеш нам адчуванне бясконцае прыгажосці стварэння, усяго, што зыходзіць ад Цябе. Сёння, з вялічэзнае колькасцю людзей па ўсім свеце, мы хочам быць чулымі на надзвычайную сітуацыю з кліматам і абарону нашае цудоўнае планеты. Ты падтрымліваеш у нас надзею.
Спевы
Señor que florezca tu justicia
Laudate omnes gentes
Behüte mich Gott
Расклад малітвы на лістапад у версіі pdf:
Кастрычнік: прапанаваны парадак малітвы
Спеў
Let all who are thirsty come
Псальм
Alleluia 17 можа быць спявана паміж кожнымі строфамі
- Спявайце Пану новую песню,
спявай Пану, уся зямля.
Спявайце Пану, слаўце Ягонае імя.
- Абвяшчайце з дня на дзень Яго збаўленне,
Апавядайце між плямёнамі пра славу Яго,
паміж усімі народамі цуды Ягоныя.
- Пан стварыў нябёсы,
Слава і веліч перад абліччам Ягоным,
сіла і вялікае хараство ў святыні Ягонай.
- Няхай радуюцца нябёсы і весяліцца зямля,
няхай шуміць мора і ўсё, што яго напаўняе.
- Няхай усцешыцца поле і ўсё, што на ім,
няхай усклікаюць тады ўсе дрэвы лясныя,
перад абліччам Пана, які прыходзіць.
Фрагмент са Святога Пісання
Я ўбачыў новае неба і новую зямлю. Бо першае неба і першая зямля мінулі, і мора ўжо няма. Убачыў я таксама святы горад, новы Ерузалем, які сыходзіў ад Бога з неба, падрыхтаваны, быццам нявеста, прыбраная для свайго жаніха. І пачуў я гучны голас з трона, які казаў: «Вось скінія Бога з людзьмі, які будзе жыць з імі; яны будуць Ягоным народам, а Ён будзе “Богам з імі”. І вытра кожную слязу з вачэй іхніх, і ўжо не будзе ні смерці, ні смутку, ні плачу, ні болю ўжо не будзе, бо ранейшае мінула». Той, хто сядзеў на троне, сказаў: «Вось чыню ўсё новае». І дадаў: «Напішы, што словы гэтыя верныя і праўдзівыя».
Спеў
Señor, que florezca tu justicia
Цішыня
Малітвы ў інтэнцыі стварэння
Першыя тры малітвы паходзяць з тэксту энцыклікі папы Францішка Laudato Si’, апошнія тры былі атрыманыя ад Супольнасці Ёна і маладзёнаў з Тэзэ. Паміж малітвамі можна спяваць Kyrie 10.
1) Божа любові, які існуеш ва ўсім Сусвеце, а таксама ў найменшым Тваім стварэнні; Ты, які атачаеш сваёй чуласцю ўсё, што існуе. - Цябе просім...
2) Божа, Стварыцель, навучы нас сузіраць Цябе ў прыгажосці Сусвету, дзе ўсё кажа нам пра Цябе. - Цябе просім...
3) Божа, Стварыцель, напоўні нас спакоем, каб мы жылі як браты і сёстры. - Цябе просім...
4) Дух Святы, Стварыцель, на пачатку ты лунаў над водамі. - Дух Святы, прыйдзі!
5) Дух Святы, Стварыцель, з твайго подыху ўсе істоты чэрпалі сваё жыццё. - Прыйдзі, Дух Суцяшальнік!
6) Пане Езу, збяры, як птушанят пад крыламі, усіх сваіх дзяцей, якія страцілі дамы з-за кліматычных бедстваў, і дай ім свой прытулак. - Пане, пачуй малітвы нашыя... (з Шатландыі і ЗША)
7) Молімся за новыя пакаленні пасярод іх страхаў, клопатаў і адчайных спробаў змяніць структуры, якія ставяць пад пагрозу іх будучыню: дай нам надзею насуперак надзеі. (з Нямеччыны)
8) Няхай Найвышэйшы Бог, які клапоціцца пра лілеі, накіроўвае нас, калі мы нагадваем адно аднаму аб клопаце пра лілеі, паветраных птушак і навакольнае асяроддзе. (з Уганды)
малітва Ойча Наш
малітва брата Алоіса
Божа любові, ты ўчыніў нас здольнымі ўспрымаць бясконцую прыгажосць стварэння, усяго, што зыходзіць ад цябе. Узвяліч у нас падзяку за ўсё тое, што ты даеш. Зрабі нас яшчэ больш уражлівымі адносна тых, хто пакутуе, ты, Збаўца ўсяго жывога.
Спевы
Surrexit Dominus Vere
Bóg jest miłością
I am sure I shall see
Расклад малітвы на кастрычнік у версіі pdf:
Верасень: прапанаваны парадак малітвы
Спеў
The Kingdom of God
Псальм
Alleluia 17 можа быць спявана паміж кожнымі строфамі
- О, Пане, Божа наш,
якое велічнае імя Тваё па ўсёй зямлі!
Веліч Твая ўзносіцца па-над нябёсамі;
з вуснаў дзяцей і немаўлят Ты ўчыніў хвалу.
- Калі я бачу Твае нябёсы, справу пальцаў Тваіх,
месяц і зоркі, якія Ты ўмацаваў,
то чым ёсць чалавек, што Ты пра яго памятаеш,
і сын чалавечы, што Ты ўзгадваеш пра яго?
- Паставіў яго валадаром над справай рук Тваіх,
усё паклаў яму пад ногі.
Авечак і жывёлу ўсялякую,
і звяроў дзікіх,
птушак нябесных і рыбу марскую,
і ўсё, што ходзіць сцежкамі марскімі.
- О, Пане, Божа наш,
якое велічнае імя Тваё па ўсёй зямлі!
Фрагмент са Святога Пісання
Калі ўвайшоў у човен, былі з Ім Ягоныя вучні. І вось, пачалася вялікая бура на моры, так што човен накрывалі хвалі. А Ён спаў. Падышоўшы, яны пабудзілі Яго, кажучы: «Пане, ратуй, мы гінем!» А Ён сказаў ім: «Чаго вы спалохаліся, малаверныя?» Тады, устаўшы, загадаў вятрам і мору, і настала вялікая ціша. А людзі дзівіліся і казалі: «Хто Ён такі, што і вятры, і мора слухаюцца Яго?»
Спеў
Señor, que florezca tu justicia
Цішыня
Малітвы ў інтэнцыі стварэння
Першыя чатыры малітвы паходзяць з тэксту энцыклікі папы Францішка Laudato Si’, апошнія дзве былі атрыманыя ад Супольнасці Ёна. Паміж малітвамі можна спяваць Kyrie 10.
1) Усемагутны Божа, які існуеш ва ўсім Сусвеце, а таксама ў найменшым Тваім стварэнні; Ты, які атачаеш сваёй чуласцю ўсё, што існуе. - Цябе просім...
2) Божа, Стварыцель, навучы нас сузіраць Цябе ў прыгажосці Сусвету, дзе ўсё кажа нам пра Цябе. - Цябе просім...
3) Божа любові, мы молімся за ўсіх, хто пакутуе ад агню і вады, землятрусаў і бураў. Няхай яны захоўваюць надзею, нягледзячы на цяжкасці. - Цябе просім...
4) Божа, Стварыцель, абудзі нашае праслаўленне і ўдзячнасць; адары нас ласкаю пачуцця ўнутранай еднасці з усім, што існуе - Цябе просім...
5) Божа любові, мы даручаем Табе усіх людзей, асабліва наймалодшых, якія рэалізуюць новыя праекты ва ўмовах надзвычайнае кліматычнае сітуацыі. - Цябе просім...
6) Божа, Стварыцель, Ты заўсёды з намі; падтрымлівай нас у нашае барацьбе за справядлівасць, любоў і супакой. - Цябе просім...
7) Пане, дай нам адвагі паверыць, што змены магчымыя, дай перакананасць у тым, што варта зрабіць неабходныя крокі для стварэння адпаведнага грунту, каб тое адбылося. (з Папуа-Новай Гвінеі)
8) Пане, дазволь нам бачыць свет тваімі вачыма ды прыхілі нас да Тваёй волі адносна да нашае планеты. (з Бразіліі)
малітва Ойча Наш
малітва брата Алоіса
Божа, наш Ойча, Ты вызваліў нас, вызваліў, каб любіць тых, каго Ты даверыў нам; зрабі нас вольнымі, каб мы былі здольныя на-новаму глядзець на стварэнне. Усё, што створана, прыходзіць ад Цябе як дар, які Ты даверыў нам. У Езусе Хрысце, праз Святога Духа мы праслаўляем Цябе.
Спевы
Tu sei sorgente viva
Behüte mich Gott
Sit nomen Domini
Расклад малітвы на верасень у версіі pdf:
[1]
[1] Здымак: Cédric Nisi