Любляна: знаёмства з неверагодна гасцінным рэгіёнам!

Нарэшце можна сказаць, што мы наведалі ўсе мясцовыя храмы, у якіх будуць прымаць пілігрымаў напрыканцы года! Вы можаце знайсці іх усе на мапе ніжэй. Мы ўдзячныя за іх добразычлівасць і гасціннасць; іх наведванне таксама дазволіла нам адкрыць для сябе некаторыя сапраўдныя перлы краіны.

Шкоф’я-Лока. Сюды – на зліццё рэк Палянска і Сельшка Сора – лёгка дабрацца менш чым за гадзіну на грамадскім транспарце; стары горад перанясе вас наўпрост у сярэднявечча! На самай справе Шкоф’я-Лока лічыцца найлепш захаваным сярэднявечным горадам у Славеніі, хоць яго прыйшлося аднавіць пасля землятрусу, які адбыўся ў 1511 годзе. Запрашаем вас агледзець вуліцы і касцёлы, а таксама прагуляцца да Локскага замка і атрымаць асалоду ад выдатных краявідаў!