Красавік 2024 г.
“Спазнай думкі мае”: Моладзевая сустрэча ў ПразеГэтай вясной у Празе адбудзецца Сустрэча маладых людзей з Чэскае Рэспублікі, Славаччыны ды іншых краін пад назвай «Спазнай думкі мае». Яна адбудзецца на выходных, 19-21 красавіка 2024 г.
На гэтае старонцы размешчана інфармацыя, датычная Сустрэчы. Інфармацыю па-ангельску можна прачытаць тут. Экуменічная сустрэча, арганізаваная 19-21 красавіка 2024 года ў Празе разам з братамі Тэзэ, будзе працягам традыцыі экуменічных сустрэч пад назваю Дні Даверу, якія цягам гадоў былі арганізаваныя ў розных гарадах Чэхіі. З 2007 г., калі ў Зліне была арганізаваная першая такая сустрэча, сустрэчы па чарзе прымалі гарады Брно, Оламаўц, Чэске-Будзеёвіцы, Прага і Острава. У некаторых месцах такія сустрэчы адбываліся неаднакроць. Надыходзячая Сустрэча ў Празе затытулаваная “Ty znáš můj neklid”/“Спазнай думкі мае” (Псальм 139, 23). Гэтыя словы стануць тэматыкай праграмы Сустрэчы, якая будзе складацца з біблейскіх уводзінаў, дзялення ў малых групах, семінараў ды малітваў са спевамі з Тэзэ. Удзельнікаў будуць прымаць месцічы. Усе малітвы, а таксама большая частка пазасталае праграмы будуць праходзіць у храме Евангелічнай царквы чэшскіх братоў (Českobratrská církev evangelická) U Salvátora па адрасе U Salvátora, Salvátorská 1, Prague 1. Мы жадаем запрасіць моладзь ва ўзросце 18-35 гадоў не толькі з Чэскае Рэспублікі, але таксама й з іншых краін. Дзеля спраўнай арганізацыі мы шукаем спевакоў і выканаўцаў на музычных інструментах, якія жадалі б дапамагчы нам супольна маліцца. Зацікаўленыя асобы просім падаваць заяўкі па электроннай пошце taize.praha gmail.com.
Уступная праграмаПятніца, 19 красавіка Субота, 20 красавіка Нядзеля, 21 красавіка Тэматычныя семінарыУдзельнікі, а таксама зацікаўленыя прадстаўнікі шырэйшае публічнасці (пры наяўнасці месца) змогуць прыняць удзел у семінарах па наступных тэмах:
Грашовы ўнёсак на пакрыццё выдаткаў СустрэчыПросім удзельнікаў зрабіць свой унёсак для пакрыцця выдаткаў на Сустрэчу (арэнда памяшкання, харчаванне і інш.). Сумы, прыведзеныя ніжэй, маюць прыблізны характар і могуць змяніцца.
Калі сума ўнёску можа стаць перашкодаю вашага ўдзелу ў Сустрэчы, напішыце нам на гэты электронны адрас, каб мы маглі дамовіцца ў вашае канкрэтнае сітуацыі аб магчымым рашэнні. Адказы на некаторыя пытанніЯ хачу прысутнічаць на Сустрэчы, але мне не патрэбна жытло. Ці ў такой сітуацыі я мушу рэгістравацца?
Нам вельмі дапаможа, калі вы зарэгіструецеся, нават калі вам не патрэбна пражыванне (і харчаванне), асабліва калі вы хочаце прыняць удзел ва ўсіх частках праграмы, бо тады мы зможам атрымаць лепшае ўяўленне аб тым, як шмат людзей чакаць, і ці ўсе зарэгістраваныя асобы змогуць змясціцца ўнутры памяшкання. У мяне спецыяльная дыета (безглютэнавая, безлактозная і г.д.) або я па нейкіх прычынах не хачу ўдзельнічаць у супольных пасілках. Што гэта для мяне значыць?
На жаль, не ў нашых сілах забяспечыць удзельнікаў адмысловай дыетай з харчаваннем, якое б ім пасавала. У дадзеным выпадку, калі ласка, самастойна паклапаціцеся пра сваё харчаванне на час Сустрэчы, а ў рэгістрацыйнае форме зазначце, што вы не жадаеце, каб мы забяспечвалі вас харчаваннем. У такім выпадку кошт вашага ўдзелу будзе зніжаны (прыблізна на 200-250 крон). Я хачу ўдзельнічаць толькі ў частцы праграмы, напрыклад, у адной малітве. Ці тое магчыма?
Так. Усе малітвы будуць адкрытымі для публічнасці. У дадзенае сітуацыі няма абавязку рэгістравацца – мы будзем рады вас бачыць. Мне ўжо больш за 35 год. Ці магу я прысутнічаць на Сустрэчы?
Перадуісм Сустрэча разлічана на моладзь ва ўзросце ад 18 да 35 гадоў. Мне пакуль не споўнілася 18 гадоў. Ці магу я прысутнічаць на Сустрэчы?
Усе малітвы адкрытыя для публікі, таму любы чалавек любога ўзросту можа прыняць у ёй удзел. Калі ж вы жадаеце прыняць удзел у іншых частках праграмы, калі ласка, звяжыцеся з намі па электроннае пошце, каб мы маглі зрабіць усё магчымае. Ці існуе магчымасць прысутнічаць на Сустрэчы з маленькім дзіцяці?
Вы можаце, калі лічыце, што дасцё сабе рады.Тым не менш, мы просім вас самастойна паклапаціцца пра сваё жытло на час Сустрэчы. Увесь час вы будзеце несці адказнасць за сваіх дзяцей. Звярніце ўвагу, што падчас малітваў ды спеваў Тэзэ важна захоўваць цішыню і спакой. Плакаты СустрэчыРэгістрацыяКалі ласка, перайдзіце па гэтае спасылцы [https://forms.gle/JPxz74JjYbViLq6Q8], каб зарэгістравацца на Сустрэчу. Рэгістрацыя адкрыта да 31 сакавіка. Калі вы жадаеце прапанаваць у Празе жытло ўдзельнікам Сустрэчы, запоўніце заяўку тут [https://forms.gle/HPpPPUuCwsN6cDVB8]. Пры наяўнасці пытанняў альбо магчымасці і жадання дапамагчы пры арганізацыі Сустрэчы, можаце напісаць нам на электронную пошту taize.praha gmail.com. Карысныя спасылкі |