У мястэчку Калдас, на поўдзень ад Медэліна, мясцовая асацыяцыя Fundación Ramón-Carolina падтрымлівае маладых дзяўчат, якія па розных прычынах не могуць жыць са сваімі сем’ямі. Цягам тыдня яны перабываюць разам, а з бацькамі бачацца ў часе кароткага візіту кожныя выхадныя. На дадзены момант тут перабывае каля трыццаці дзяўчат, падзеленых на дзве асобныя групы. Пра іх клапоціцца досыць шматлікі калектыў: тры манашкі, якія жывуць з імі, да таго кухар, дзіцячы псіхолаг і педагог, а таксама валанцёры, якія прыязджаюць на розныя мерапрыемствы. Сярод асобаў, што працуюць у Fundación Ramón-Carolina альбо з’яўляюцца тут валанцёрамі, ёсць тры тутэйшыя асобы, якія былі скіраваныя дыяцэзіяй да Тэзэ на працягу апошніх дваццаці гадоў у якасці маладых валанцёраў.

Аперацыя “Надзея” падтрымала працу, неабходную для пераезду ў новае памяшканне, якое дазволіць прымаць у доме больш дзяцей.