TAIZÉ

Папа Францішак прыняў на аўдыенцыі брата Алоіса

 
У чацвер раніцай, 9 сакавіка, наконадні дзясятай гадавіны свайго пантыфікату папа Францішак на прыватнай аўдыенцыі ў Апостальскім палацы прыняў брата Алоіса. Між іншым яны абмеркавалі падрыхтоўку мерапрыемства «Разам | Сход народа Божага», якое адбудзецца 30 верасня ў Рыме напярэдадні Сіноду Біскупаў Каталіцкага Касцёла.

Чарговы этап па падрыхтоўцы гэтага беспрэцэдэнтнага экуменічнага мерапрыемства, у якім ужо ўдзельнічаюць каля шасцідзесяці партнёраў з розных канфесій, адбудзецца з 12 па 15 сакавіка ў Рыме. Абвяшчаючы мерапрыемства 15 студзеня, папа Францішак запрасіў «братоў і сясцёр усіх хрысціянскіх канфесій узяць удзел у гэтым «Сходзе народа Божага» (поўны тэкст).

Перад тым, як прыехаць у Рым, у панядзелак 6 сакавіка брат Алоіс наведаў у Жэневе Генеральнага сакратара Сусветнай рады Цэркваў вялебнага Джэры Пілэя, а таксама Генеральную сакратар Сусветнае лютэранскае федэрацыі вялебную Анне Бургхардт. Яму таварышылі каля шасцідзесяці маладзёнаў, якія зараз знаходзяцца на валантарыяце ў Тэзэ.

У мінулую пятніцу ўвечары, 12 сакавіка, брат Алоіс выступіў на пятай і заключнай асамблеі нямецкага Сінадальнага шляху ў Франкфурце; разважанне, дало яму магчымасць падкрэсліць духоўнае вымярэнне сінадальнага працэсу.

Інфармацыя для прэсы

Больш дэталёвую інфармацыб пра сустрэчу «Разам | Сход народа Божага» можна атрымаць, пішучы на адрас.
Інфармацыю наконт Абшчыны Тэзэ можна атрымаць, пішучы на адрас.


Здымак (C) Vatican Media

Апошняе абнаўленне: 11 March 2023