Верны Божа, дзякуем Табе за тое, што Ты паклікаў кардынала Роберта Фрэнсіса Прэвоста на біскупа Рыма і папу Льва XIV. Няхай ён будзе слугою еднасці для ўсяго Твайго народа і сведкам супакою і надзеі ў чалавечае сям’і.

 

Праз Твайго Святога Духа дай яму дзень за днём крочыць слядамі Твайго Сына Езуса, як стваральніку адзінства ў таямніцы камуніі, якой з’яўляецца Яго Цела, Касцёл, спагадлівым з церпячымі і салідарным з кожным чалавекам, які шукае супакою.

У лісце да новага Папы брат Мэцью таксама піша:

У гэты асабліва важны для ўсяго Касцёла момант мы молімся, каб Дух Святы падтрымліваў Вас у Вашым служэнні, каб Вы былі знакам адзінства, супакою і надзеі для ўсяго свету. У гэтым сэнсе нас глыбока кранае Вашае першае бласлаўленне Urbi et Orbi, асабліва заклік быць «сінадальным Касцёлам, Касцёлам у руху, Касцёлам, які заўсёды шукае міру, які заўсёды шукае міласэрнасці, які заўсёды імкнецца быць побач, асабліва з тымі, хто пакутуе».

З ініцыятывы Сусветнае Рады Цэркваў у аўторак, падчас паўдзённае анлайн-малітвы, у Тэзэ ды ў іншых краінах свету адбылася малітва за канклаў.

Здымак: экуменічнае малітоўнае чуванне ў Рыме 30 верасня 2023 г., у дзень кансісторыя, падчас якога біскуп Прэвост стаў кардыналам. (C) Lars König, Taizé / Together Media Team