TAIZÉ

Апошнія навіны

Salle d’Exposition

Сусветны Патрыярх у Тэзэ, аўторак 25 красавіка

Некалькі дзён пасля Вялікадня Супольнасць Тэзэ будзе прымаць спецыяльнага госця. Упершыню, 25 красавіка 2017 г. са сваім пастырскім візітам Тэзэ на некалькі гадзін наведае Канстантынопальскі Патрыярх Барталамей I°. Пілігрымка да Тэзэ будзе заключным этапам ягонага пастарскага візіту ў Швейцарыю з нагоды 50-ае гадавіны Праваслаўнага цэнтра Chambésy.


У часе свайго візіту Патрыярх возьме ўдзел у супольнае малітве а 12:00 у царкве разам з братамі, што прадстаўляюць розныя хрысціянскія канфесіі, а таксама маладзёнамі, што на той час будуць у Тэзэ. Ён будзе павітаны Братам Алоісам і звернецца да прысутных прыканцы малітвы.

Удзел у гэтае малітве адкрыты для кожнага. Калі нехта жадае прыехаць у Тэзэ, каб правесці там менавіта гэты дзень, з’есці пасілак ды прыняць удзел у семінары апоўдні, мусіць зарэгістравацца ў якасці наведвальніка праз старонку Тэзэ.

Групы, а таксама індывідуальныя асобы, што будуць перабываць у вёсцы тыдзень раней (16-23 красавіка 2017 г.), і якія планавалі свой ад’езд на 23 красавіка, могуць застацца даўжэй, да апоўдня аўторку 25 красавіка (для асобаў старэйшых за 30 гадоў тое запрашэнне будзе магчымае толькі выключна ў межах даступнага жытла). Таму, калі вы плануеце працягнуць свой візіт у Тэзэ такім чынам, калі ласка, паінфармуйце прымаючую групу, змяняючы адпаведна даты вашае рэгістрацыі.


“Coexister”: путы сяброўства паглыбляюцца

Ад некалькіх гадоў ад імпульсу, нададзенага засноўнікам асацыяцыі “Coexister” Самуэлем Гжыбоўскім (фр./пол. Samuel Grzybowski), рэгулярна да Тэзэ прыязджаюць групы маладзёнаў. Адною з асаблівых місій гэтае асацыяцыі з’яўляецца супольнае збіранне маладзёнаў з розных рэлігій.

Рад’я Бакейш (ар. Radia Bakkouch), актуальны кіраўнік асацыяцыі, прымала ўдзел у спецыяльным тыдні для моладзі ва ўзросце 18-35 гадоў у верасні 2016 г. Супольнасць Тэзэ ды Асацыяцыя “Coexister” разам бяруць удзел у ініцыятыве парыскае парафіі Saint-Merry пад назваю “святая ноч”, што адбылася сёлета чарговы раз у начы з 3 на 4 чэрвеня.

Мод (фр. Maud), маладая дзяўчына з Францыі, што перабывала ў Тэзэ разам з адной з груп “Coexister” у 2016 г., падзялілася сваімі ўражаннямі:

Нашая дзясятка маладзёнаў мела рознае рэлігійнае паходжанне: хрысціяне, юдэі ды мусульмане. Я вызнаўца юдаізму і перад тым ніколі не была ў Тэзэ. Для мяне было насамрэч цікава лепш пазнаць веру хрысціянаў і пражыць з німі цягам выходных. Мяркую, што ў Тэзэ я знайшла супакой. Я была ўражаная, проста гледзячы на краявід і разважаючы, на колькі надзвычайна тое ўдзейнічае на агульнае дасвядчэнне. Мы наладзілі там трывалыя сувязі з вялікае колькасцю людзей й я падумваю над тым, каб наступнага году зноў там паехаць.

Нарада 2017

Малітва брата Алоіса

Як і кожны год, браты сустрэліся на сваёй штогадовай нарадзе, якая сёлета адбылася 24-29 студзеня. Вечарам у нядзелю нарада была завершаная супольнаю вечароваю малітваю, у тым ліку з малітваю "ляжаннем крыжам", падчас якой браты прыгадваюць свае манаскія зарокі. Перад гэтым брат Алоіс звярнуўся з наступнымі словамі малітвы.


Малітва на завяршэнне

Мы молімся да Цябе, Езу Хрыстэ, бо Ты ўваскрос з памерлых. Ты вядзеш нас за сабою, каб быць сведкамі надзеі, быць міратворцамі дзекольвек мы знаходзімся, тут у Тэзэ ці ў Сенегале, Кеніі, Карэі, Бангладэш, Бразіліі, на Кубе ці ўва Францыі.

У гэтыя дні Ты аднаўляеш у нас нашае пакліканне. Мы прагнем ісці за Табою, Езу, ціхі і пакорны сэрцам. Тваё Евангелле запрашае нас развіваць дух дзялення, заўсёды імкнучыся зрабіць нашае жыццё больш сціплым. Таму дапамажы нам засяродзіцца на істотным, на любові і сталае прысутнасці Святога Духа. Дазволь нам прыняць тую любоў, так каб яна закранула нас да глыбіні, бо мы патрабуем сталага навяртання аж да апошняга подыху. Там знаходзіцца крыніца радаснае ўнутранае свабоды.

Калі ў свеце расце гвалт і пачуццё страху, Ты дазваляеш нам трываць у надзеі Твайго прыйсця па паўстанні з памерлых. Для нас тое нібыта якар у нашым жыцці, пэўны і надзейны. Вера ў Цябе адкрывае нашыя вочы на Тваю прысутнасць у свеце. А нашая малітва становіцца больш палымянаю: Валадарства Божае можа быць асягнутае і ахопіць усе чалавечыя істоты.

Уваскрослы Хрысце, Твая любоў заахвочвае нас шукаць бачнае еднасці хрысціянаў, якая павінна быць зачынам супакою па ўсім свеце. Калі мы збіраемся ля крыніцы, што нарадзілася з Тваёй Пасхі, менавіта тады раскрываецца дынаміка Евангелля. Тады мы прымаем тое ў якасці дару з абавязковым распазнаннем разнастайнасці паміж хрысціянамі. Дазволь нам, братам, і ўсім хрысціянам пагадзіцца на ахвяры, неабходныя для прымірэння. Абудзі ў нашым грамадстве запал да адзінства, дазволь нам адчуць, наколькі пільным мае быць прабачэнне, дзеля таго каб мы не спыняліся ствараць даверлівыя адносіны паміж рознымі традыцыямі і каб быў магчымы абмен дарамі.

Рыхтуючы супакой на зямлі, Ты спрыяеш узросту нашага братэрства. Мы молімся да Цябе ў гэты вечар за ўсіх тых, каго Ты нам паверыў, пачынаючы ад тых прынятых тут у Тэзэ, як таксама ў іншых нашых супольнасцях, у часе паездак і пілігрымак Даверу, за бежанцаў, якія жывуць у нашае вёсцы. Часцяком праз тых, каго мы прымаем тут, Ты адкрываеш нашыя сэрцы на Тваю любоў, нават калі таго не ўсведамляем. Захоўвай нас усіх у духу Дабраслаўленняў, радасці, сціпласці ды міласэрнасці.

А зараз, пасля чарговага спеву, тыя браты, што маюць скласці свае жыццёвыя зарокі, будуць ляжаць на падлозе, прыгадваючы сваё пасвячэнне Богу.

Тыдзень малітваў за адзінства хрысціянаў

З нагоды Тыдня малітваў аб еднасці хрысціян у сераду 18 студзеня а 18-ае гадзіне ў Тэзэ адбылася спецыяльная малітва, на якой прысутнічалі маладзёны, што перабываюць зараз у Тэзэ, а таксама лідары мясцовых Цэркваў.

Трансмісія праз "Facebook Live"

Вітальнае слова ад брата Алоіса

У гэты першы дзень Тыдня малітваў за адзінства хрысціянаў я запрасіў вас у нашую Царкву паяднання. Разам з братамі я цешуся, што магу павітаць вас тут падчас гэтае малітвы. Я дзякую за прысутнасць прадстаўнікам Каталіцкае, Праваслаўнае, Аб’яднанае Пратэстанцкае, Англіканскае, Евангелічнае, Менаніцкае цэркваў. Няхай узрастае нашая еднасць у Хрысце Езусе так, каб дынаміка і праўда Евангелля магла свяціць усяму свету.

Малітоўныя інтэнцыі, чытаныя царкоўнымі лідарамі

Духоўныя лідары прачыталі наступныя малітоўныя інтэнцыі:

  • Езу Хрыстэ, Ты паслаў сваю Царкву падрыхтаваць Табе шлях у свеце. Натхняй нашыя справы і словы дзень за днём, каб мы маглі абвяшчаць Тваё Евангелле вакол нас.
  • Езу Хрыстэ, святло свету, Ты асвятляеш кожную чалавечую істоту: дазволь нам распазнаць Тваю прысутнасць у кожным і прыняць Цябе ў нашым блізкім.
  • Езу Хрыстэ, адкрый нашыя вочы на пакуты найбольш абяздоленых нашых часоў, што жывуць у самотнасці пасярод нас так, каб мы маглі жыць у салідарнасці з тымі, хто быў нам павераны.
  • Езу Хрыстэ, усеагульны браце, Ты на баку выгнаннікаў, бежанцаў, мігрантаў. Мы давяраем Табе ўсіх тых, каго мы прынялі ў нашым рэгіёне і мы молімся за Саміра з Судану.
  • Езу Хрыстэ, дай нам навучыцца слухаць Цябе так, каб мы разам праявілі сябе, каб тое было больш заўважным у вачах іншых, у Тваёй адзінай Царкве, каб свет мог паверыць.
  • Езу Хрыстэ, хвала Табе за хрысціянскія супольнасці з нашага рэгіёну. За сінод дыяцэзіі Отун (diocèse d’Autun). За праваслаўны прыход Шалон. За пратэстанцкія цэрквы ў год узгадвання Рэфармацыі.
  • Езу Хрыстэ, таксама, як Тваіх вучняў па паўстанні з памёрлых, ты чыніш наш братамі і сёстрамі. Навучы нас крочыць за Табою і кіруй нас на сцежкі жыцця.
  • Езу Хрыстэ, мы давяраем Табе людзей з Блізкага Ўсходу, ахвяры гвалту, усіх тых, хто не бачыць будучыні ў сваёй краіне. Будзь падтрымкаю для тых, хто прагне справядівасці і супакою.

Малітва брата Алоіса

Хрысце Езу, мы сабраліся ў Тваё імя. Дапамажы нам прыняць Твайго Святога Духа, Духа прабачэння і паяднання, што яднае нашыя галасы ў Тваёй прысутнасці. Бліжэй да канца Твайго жыцця Ты маліўся "Ойча, няхай усе былі адно". Зрабі з нас сведкаў еднасці і носьбітаў прымірэння.

Група св. Ірэнея ў Тэзэ

Сумесная праваслаўна-каталіцкая група св. Ірэнея сабралася ў Тэзэ паміж 2 і 6 лістапада 2016 г. Пасяджэнне праводзілася пад старшынствам арцыбіскупа Тэлміскага Ёва (Гечы).

На адкрыцці сесіі групу павітаў Брат Алоіс. Цягам сустрэчы чальцы групы наведалі супольныя малітвы Супольнасці і дзялілі пасілак разам з братамі.

У пятніцу і суботу ў вясковым храме была цэлебраваная Боская Літургія.

Пасля сустрэчы былі апублікаваныя прэс-рэлізы па-ангельску, а таксама па-нямецку.

Вітаем непаўнагадовых мігрантаў

Арыентацыйны цэнтр для непаўнагадовых у мясцовасці Ameugny, арганізаваны Супольнасцю Тэзэ

У начы з серады на чацвер 3 лістапада група непаўнагадовых мігрантаў без суправаджэння прыбыла ў Saône-et-Loire, бо лагер у Кале (фр. Calais) быў зачынены. Група складаецца з пятнаццаці падлеткаў ва ўзросце ад 13 да 17 гадоў, большасцю суданскага паходжання, але таксама з Эрытрэі і Сірыі.

Прыём быў падрыхтаваны Супольнасцю Тэзэ, якая забяспечвае месца, прапануе валанцёраў, а таксама матэрыяльна-тэхнічныя сродкі ў супрацоўніцтве з арганізацыяю "Мост" (фр. Le Pont) з гораду Макон (фр. Mâcon), што займаецца ўсімі адміністрацыйнымі працэдурамі. Перад тым, як маладыя мігранты прыбылі ў Ameugny, мэр горада і сельсавет загадзя паінфармавалі пра тое сваіх жыхароў.

Гэтыя маладзёны былі прынятыя ўначы адразу па прыбыцці мэрам Ameugny, некаторымі жыхарамі вёскі, супрацоўнікамі "Мосту", камандаю Тэзэ і некалькімі маладымі бежанцамі з Судану, якіх летась прыняла Супольнасць. Прэфект Saône-et-Loire быў прадстаўлены старшынёю ягонае адміністрацыі пані Жэрмэн (фр. Germain).

3 лістапада прэфектура апублікавала наступны камунікат:

"Дадзеная прапанова прытулку носіць часовы характар, рыхтавалася апошнія тры месяцы. Гэта дазволіць зрэалізаваць пасяленне ў аптымальных варунках для бяспекі і здароўя маладзёнаў, пакуль яны не будуць скіраваныя ў Злучанае Каралеўства альбо пакуль не змогуць скарыстацца з законных правоў. Перадусім, яны будуць мець перавагу, чакаючы на вынікі разгляду іх справы ўладамі Брытаніі па пытанні ўз’яднання з сем’ямі. Гэта гарантуе ім тое, што справы будуць разгледжаныя ў тэрміне ад 3 да 6 тыдняў."


Прымаючая каманда

Малітва ў інтэнцыі супакою

У нядзелю ў Тэзэ звон міру будзе гучаць у інтэнцыі сірыйскага горада Алепа

Супольнасць Тэзэ прыняла ініцыятыву цэркваў Фінляндыі, дзе гучаць царкоўныя звоны па ўсё краіне, сівалізуючы смутак і салідарнасць асобаў з тымі людзьмі, што надаль церпяць ад авіяналётаў у сірыйскім Алепа.

Штонядзелі а 18:30 браты з усімі ахвочымі збіраюцца разам у храме Паяднання дзеля паўгадзіннае малітвы ў цішыні ў інтэнцыі супакою. У якасці знаку салідарнасці адзін з пяці званоў - "Сведкі Супакою" - будзе заклікаць на малітву ў часе найбліжшае нядзелі.


Сад салідарнасці ў Тэзэ

Цягам апошніх гадоў міжнародныя сустрэчы ў Тэзэ лы іншых месцах імкунліся паглыбіць пошук новых формаў салідарнасці ў сучасным грамадстве. Адным з ейных аспектаў з’яўляецца нашая ўвага да Стварэння. У адным са сваіх апошніх пасланняў моладзі брат Алоіс напісаў, “Зямля належыць Богу; людзі атрымліваюць яе ў якасці дара. На нас ляжыць вялікая адказнасць: клапаціцца пра планету і не марнаваць ейных рэсурсаў. Зямля абмежаваная, таму людзі таксама павінны пагадзіцца на пэўныя межы”.


Адным з пладоў такой рэфлексіі - сціплай, але канкрэтнай - было стварэнне “саду салідарнасці” ў Тэзэ.

Маладзёны, працуючы з братам, па чарзе, тыдзень за тыднем працуюць у садзе. Гародніна, якая там вырошчваецца, перадаецца мясцовае асацыяцыі супольнасці, якая распаўсюджвае яе ў навакольных мястэчках і вёсках ля Тэзэ.

2015 год у Тэзэ ў СМІ

Цягам усяго 2015 г. рэха юбілею было чутно ў розных сродках масавае інфармацыі, у прэсе і ў сеціве. На гэтае старонцы вы знойдзеце пэўную паждорку артыкулаў ды спасылак на цікавыя матэрыялы.

СМІ, якія жадаюць працаваць на міжнародных спатканнях Тэзэ ў Бухарэсце, Катану ці Рызе, калі ласка, кантактуйцеся з намі праз media taize.fr.

Па-ангельску

Справаздача Сусветнага хрысціянскага форуму, месца дыялогу паміж традыцыйнымі цэрквамі ды разнастайнымі евангельскімі канфесіямі й пяцідзясятніцкімі цэрквамі, на тэму сустрэчы цягам 9-16 жніўня размешчаная тут.

Некалькі цікавых артыкулаў, а таксама блог “Premier Christianity” былі апублікаваныя па-ангельску, і прысвечаныя вопыту манаскага жыцця ў Тэзэ, можна знайсці па спасылцы https://www.premierchristianity.com....

Лідар “Sojourners” у ЗША, Robert Wilson-Black, апісаў, як ён правёў тыдзень у Тэзэ мінулым летам https://sojo.net/articles/denying-c....

Сусветная Рада Цэркваў апублікавала артыкул наконт тыдня 9-16 жніўня у якасці справаздачы з міжнароднага тэалагічнага калоквіўма. Абодва артыкулы таксама даступныя па-нямецку.

Некаторыя іншыя старонкі ў сеціве з цікавымі матэрыяламі:

Акрамя таго, Dave Bookless з міжнароднае асацыяцыі “A Rocha” апублікаваў разважанні пасля трох тыдняў, праведзеных у Тэзэ летам, апошнія з якіх ён правёў у вёсцы ў сярэдзіне жніўня.

Фатограф Michael Debets склаў фотасправаздачу з падзей тыдня 9-16 жніўня. Здымкі з вечаровае малітвы 15 жніўня даступныя online на старонцы Pacific Press разам з іншымі з 16 жніўня аўтарства Demotix agency. Адзін з ягоных здымкаў быў змешчаны online на старонцы “The Guardian”.


Па-французску

2 жніўня 2015 г. “France 2” надавала ў простым эфіры Эўхарыстыю з Тэзэ ў сваёй штотыднёвай перадачы « Le Jour du Seigneur ». Рэпартаж даступны online. Можна таксама паглядзець здымкі з той Эўхарыстыі ў фотасправаздачы на старонцы “Journal de Saône-et-Loire”.

Шэраг нацыянальных французскіх СМІ асвятлялі падзеі выходных, 15-16 жніўня ў Тэзэ. Навіны а 13-ай гадзіне на TF1 распавядалі пра міжнародны дыялог, які стаў вынікам сустрэчаў.

Рэгіянальная станцыя France 3 Bourgogne прысвяціла два рэпартажы Тэзэ з нагоды падзей выходных 15-16 жніўня.

У пятніцу 14 жніўня Брат Алоіс быў запрошаны праз [Europe 1-http://www.europe1.fr/emissions/l-interview-verite/frere-alois-les-religions-sont-une-force-de-paix-2502453], на перадачу, якую вёў Patrick Roger. Французскае нацыянальнае радыё France Inter, France Info ды RTL асвятлялі міжнароднае спатканне, высылаючы справаздачы сваіх журналістаў наконт спаткання.

Ватыканскае Радыё ўзяла інтэрв’ю ў двух каталіцкіх лідэраў, першы - Кардынал Manuel Clemente, патрыярх Лісабона і другі - магістр Benoît Rivière, Біскуп Autun. Блог jeunes-cathos.fr таксама асвятляў міжнароднае спатканне і праект "Людзі Тэзэ", апавядаючы пра фотавыставу ў вёсцы.

У “La Croix” ад 9 жніўня на 4 старонках з’явіўся рэпартаж, прысвечаны міжнародным сустрэчам моладзі. Некалькі здымкаў даступныя on line.

Прыканцы жніўня тэлебачанне “KTO” адною з частак “Hors les murs” зрабіла рэпартаж на 52 мінуты, прыгатаваны камандаю, што асвятляла падзеі міжнароднага спаткання.

У Швейцарыі франкамоўная радыёстанцыя “RTS” надавала ў простым эфіры "экуменічную ранішнію праграму" з нядзелі Св. Духа ў Тэзэ, а таксама шэраг рэпартажаў з Тэзэ цягам 2015 г. Каталіцкія і пратэстанцкія прэс-агенцыі са швейцарскае Рамандыі падрыхтавалі шэраг артыкулаў пра Тэзэ, што было вынікам супрацоўніцтва гэтых агенцыяў.

Таксама ў Швейцарыі, штодзённая газета “24 heures” прыканцы года апублікавала вялікае інтэрв’ю з Братам Алоісам:

PDF - 563.6 кб

Наконадні пра альбом, які быў падрыхтаваны Universal Music, узгадвалася ў некалькіх СМІ, у тым ліку ў аглядзе “Études”, у ліпені 2015 г. ды на радыёстанцыі “Paris Notre Dame”.

Біяграфія Брата Ражэ аўтарства Sabine Laplane была апублікаваная на старонцы штотыднёвіка “Réforme”:

PDF - 87.6 кб

У лістападзе некалькі іракскіх сем’яў і маладыя бежанцы з Судану, якія зараз жывуць у Тэзэ, былі героямі інтэрв’ю некалькіх мясцовых СМІ, сярод якіх вечаровыя навіны на “France 3 Bourgogne”.

Пасля замаху ў Парыжы дзённік “La Croix” апублікаваў інтэрв’ю з Братам Алоісам:

PDF - 63.2 кб

На пачатку 2016 г. выданне “Journal de Saône-et-Loire” апублікавала інтэрв’ю з Братам Алоісам наконт яго візіту ў Ліван і Сірыю:

PDF - 182.5 кб


Па-нямецку

У траўні пра 100-ую гадавіну з дня народзінаў Брата Ражэ ўзгадвалася ў шэрагу публікацый нямецкамоўнае прэсы, напрыклад, у фільме Аўстрыйскага тэлебачання, а таксама ў гэтым апісанні Брата Ражэ, "змагара за паяднанне".

У чэрвені 2015 г. Брат Алоіс даў інтэрв’ю для Deutschlandradio Kultur. У той жа самы час пратэстпнцкая прэс-агенцыя апублікава невялікі артыкул.

Пра міжнароднае спатканне 9-16 жніўня таксама ўзгадвалася на некалькіх нямецкамоўных пратэстанцкіх старонках у сеціве, Нямецкая Каталіцкая прэс-агенцыя таксама апублікавала шэраг артыкулаў, напрыклад, гэты. У дадатку гэты вялікі артыкул на тэму моладзевага дасвядчэння Царквы, якое маладзёны мелі ў Тэзэ.


Па-галандску

Два вялікія рэпартажы былі прысвечаныя сустрэчам у Тэзэ ў газетах Nederlands Dagblad ды Reformatorisch Dabglad:

PDF - 307.8 кб


PDF - 4 Mb

Пара маладых журналістаў з BEAM правяла тыдзень у Тэзэ з мэтаю падрыхтаваць рэпартаж для eo.nl.

Прэзідэнт Рэфармаванае Царквы Нідэрландаў, PKN, апублікаваў рэдакцыйную нататку пра свой візіт у Тэзэ ў палове жніўня.



Па-італьянску

Дзённік “Avvenire” пісаў пра 10-ую гадавіну са дня смерці Брата Ражэ.

Журналіст часопісаў “Credere” і “Jesus” разам з фатографам прыехалі ў ліпені да Тэзэ. Тут можна прачытаць адзін з іхніх артыкулаў пра валанцёраў.

Пратэстанцкі штотыднёвік “Riforma” таксама прысвяціў 75-ае гадавіне Тэзэ выдатны артыкул.

І зноў, пасля нападаў у Парыжы Брат Алоіс даў інтэрв’ю радыю InBlu.


Па-гішпанску

Штотыднёвік “Vida Nueva” апублікаваў вялікую размову з Братам Алоісам, а таксама спецыяльны раздзел наконт летніх сустрэчаў у Тэзэ:

PDF - 1.6 Mb

На пачатку жніўня газета “Tribuna de Albacete” распавядала пра юбілеі, што адзначаліся ў Тэзэ цягам 2015 года.

Падрыхтоўку да Еўрапескае сустрэчы ў Валенсіі даволі шырока асвятляў часопіс “Paraula”, а таксама іншыя мясцовыя СМІ, такія як “Las Provincias”.

Ну, а рэпартажы, што былі апублікаваныя на тэму Еўрапейскае сустрэчы ў мясцовых і нацыянальных СМІ, пералічыць проста немагчыма. Вось толькі некаторыя з іх:

Безумоўна, падзею асвятлялі і дыяцэзіяльныя СМІ Валенсіі, са спецыяльнымі матэрыяламі й некалькімі артыкуламі ў часопісе Paraula, шэрагам відэякліпаў і багатай колькасцю здымкаў.



Па-партугальску

Па тэлебачанні быў рэпартаж наконт тэалагічнага калоквіўіма ды інтэрв’ю з братам.

Дыяцэзіяльная газета Лісабона змясціла ўражанні маладзёнаў-удзельнікаў сустрэчы, якім таварышыў іх Кардынал, у Разам да Новае Салідарнасці, а па тэлебачанні быў паказаны рэпартаж.

Радыё Renascença перадавала інтэрв’ю пасля Сустрэчы ў Празе, а таксама рэгулярна надавала навіны з Тэзэ і са спаткання ў Валенсіі.

Некалькі газетаў і аглядальнікаў узгадалі пра юбілейныя святкаванні ў Тэзэ, напрыклад, Sol, Observardor ды Fatima Missionaria.

Журналіст António Marujo напісаў нататку для агенцыі “Ecclesia” пра міжнародны тыдзень 9-16 жніўня, а таксама апублікаваў у сваім блогу шэраг артыкулаў пра спатканне і тэалагічны калоквіўм, што адбыўся ў мінулым верасні.


Па-польску

Журналіст Polskie Radio Przemysław Goławski надаў радыёсправаздачу пра спатканне на тэму новае салідарнасці. Ён таксама апублікаваў артыкул і размясціў здымкі.

Больш грунтоўна, вялікая размова з Братам Алоісам, размешчана на старонцы “Przewodnik Katolicki”.

Прысутнасць маладых бежанцаў з Судану была тэмаю размовы з братам на старонцы deon.pl.

Фатограф Wiesia Klemens апублікавала тры фотагалерэі з яе апошніх візітаў у Тэзэ і спаткання ў Валенсіі, якія даступныя тут.

Сустрэчы Тэзэ ў Валенсіі прысвечаны гэты артыкул online.


Па-чэску

Некалькі месяцаў па Еўрапейскім спатканні ў Празе ў сакавіку на старонцы Евангельскае Царквы чэскіх братоў была размешчана вялікая размова з Братам Алоісам, у тым ліку на старонцы “Christnet” і на старонцы “Katolický týdeník”.


Па-турэцку

Тэлебачанне SAT-7 надала рэпартаж пра Тэзэ, online на Youtube.