TAIZÉ

Тыдзень малітваў аб еднасці хрысціян

 
Штогод з 18 па 25 студзеня хрысціяне ўсяго свету ўдзельнічаюць у Тыдні малітваў аб еднасці. Сёлета гэты тыдзень малітваў падрыхтавала Рада Цэркваў Блізкага Ўсходу. Ніжэй вашае ўвазе некалькі спосабаў прыняць удзел у гэтым тыдні праз лучнасць з Тэзэ.

Супольная малітва з Радай Цэркваў Блізкага Ўсходу

Сёлетняя тэма, якая была абрана Радай Цэркваў Блізкага Ўсходу: “Мы бачылі зорку Ягоную на ўсходзе і прыйшлі пакланіцца Яму”. Прапанаваная тэма, у прыватнасці чытанні з Бібліі і малітоўныя інтэнцыі, даступны ў сеціве пад гэтае спасылкаю.

Прачытайце або перачытайце “Прапановы на 2022 год”

Тытул сёлетніх Прапаноў Тэзэ на 2022 год: “Становячыся стваральнікамі адзінства”. Хрысціянскага адзінства асабліва тычыцца пятая з Прапаноў. Поўны тэкст Прапаноў знаходзіцца па гэтае спасылцы.

Перажыванне малітвы аб еднасці разам з Тэзэ

У аўторак 18 студзеня а 18-е гадзіне ў Тэзэ ў прысутнасці прадстаўнікоў розных канфесій адбылася малітва, на якую былі запрошаныя нашыя сябры з наваколіц. Запіс гэтае малітоўнае трансляцыі можна паглядзець на відэа.

Праслухайце падкаст з Тэзэ

Падкаст на гэтым тыдні ўяўляе сабой інтэрв’ю (на французскай мове) з пастарам Ан-Лораю Дане, адказнай за адносіны паміж хрысціянскімі Цэрквамі ў Пратэстанцкай федэрацыі Францыі. Гэтае інтэрв’ю можна паслухаць з асноўных падкаст-платформаў.

Прачытайце пасланні ўдзельнікам Сустрэчы ў Турыне

Як і кожны год, каталіцкія, праваслаўныя і пратэстанцкія лідэры дасылалі вітальныя пасланні удзельнікам Еўрапейскае Сустрэчы.

Паслухайце лекцыю брата Алоіса пра адзінства

Летась брат Алоіс быў запрошаны выступіць з працяглай прамовай аб адзінстве ў рамках серыі сустрэч, арганізаваных Папскім універсітэтам святога Тамаша Аквінскага, таксама вядомым як Ангелікум, у Рыме. Гэтую канферэнцыю можна знайсці ў сеціве па гэтае спасылцы (выступленне адбываецца па-італьянску; даступныя напісы па-французску).

Апошняе абнаўленне: 20 студзеня 2022