У гэтым годзе колькасць сем’яў, што будуць прымацца штотыдзень, будзе абмежаваная да 85. Мы будзем сачыць за тым, каб штотыдзень маглі прыязджаць сем’і з розных краін. Па прычыне абмежаванага месца і вялікае колькасці жадаючых прыняць удзел у сустрэчах для сем’яў, звяртаемся да вас з просьбаю, каб сем’і прыязджалі ў Тэзэ раз на два гады.
Заахвочваем, каб сем’і, пакуль іх малому дзіцяці споўніцца прынамсі тры гады, таму што для вельмі малых дзяцей няма адмысловае праграмы, бацькам будзе складана прымаць удзел у праграме і адначасова сачыць за сваім дзіцяці.
Калі мы атрымаем ад вас уступную форму-заяўку, мы пацвердзім, ці магчымы будзе ваш прыезд у абраным часе, ці патрэбна будзе выбраць іншую дату.
Даты
Мы просім сем’і не рэгістравацца перад 15 студзеня таго года, калі яны жадаюць прыехаць у вёску. Рэгістрацыя зробленая перад гэтаю датаю не будзе брацца пад увагу.
Калі ласка, праверце на старонцы, калі ў гэтым годзе адбываюцца адмысловыя сустрэчы для сем’яў.
Прыбыццё ў нядзелю ад 15 гадзіны, выезд у наступную нядзелю каля апоўдня. Бацькі, дзеці каторых пакуль не ходзяць яшчэ да школы, не павінны прыязджаць у жніўні, калі мы маем самыя вялікія праблемы з месцамі.
Праграма
Група сем’яў штодня сустракаецца ў паблізкае вёсцы Ameugny, у месцы, якое называецца Olinda (каля 600 м ад Тэзэ). Большая частка праграмы адбываецца на свежым паветры. Перад апоўднем адбываюцца біблійныя ўводзіны для бацькоў, што былі прыгатаваныя адным з братоў, пасля чаго бацькі ствараюць малыя дыскусійныя групы. У тым жа часе валанцёрская моладзь праводзіць для дзяцей, што падзеленыя на ўзроставыя групы, розныя заняткі. Для дзяцей ва ўзросце да двух гадоў мы не маем спецыяльнае праграмы.
Па абедзе бацькі і дзеці маюць сумесную прагараму сустрэчаў. Рэшту дня бацькі і дзеці праводзяць разам, што дае магчымасць больш блізкага кантакту і размоваў на тэмы, што абмяркоўваюцца на штодзённых спатканнях. Канкрэтныя прапановы штодня прапаноўваюцца ўвазе бацькоў. У тым часе бацькі самі займаюцца сваімі дзецьмі.
Дзеці разам з бацькамі могуць пайсці на супольныя малітвы да Тэзэ раніцаю, апоўдні і ўвечары. Бацькі, што прыязджаюць павінны разумець, што цішыня пад час супольнае малітвы вельмі істотная як для ўдзельнікаў сустрэч, так і для Супольнасці. Беручы тое пад увагу, звяртаемся да вас з просьбаю, каб у часе супольных малітваў бацькі папераменна займаліся сваімі немаўлятамі альбо малымі дзецьмі ў адным з памяшканняў, што спецыяльна перадназначана для гэтае мэты побач з храмам. Сям’я можа мець клопаты, калі будзе прысутнічаць толькі адзін з бацькоў. Калі ласка, паразважайце пра тое перад вашаю паездкаю.
Істотным з’яўляецца тое, каб уся сям’я была прыгатаваная да ўдзелу ў такім тыдні малітваў і сустрэчаў.
Дзеці ва ўзросце 15 гадоў і старэйшыя прымаюць удзел у спатканнях з маладзёнамі і сілкуюцца разам з німі ў Тэзэ, але ночаць разам з бацькамі (15-16-гадовыя падлеткі).
Калі сям’я не можа застацца праз увесь тыдзень ці не можа прыехаць у перыяд, калі адбываюцца спатканні для сем’яў.
Калі вы не можаце прыехаць у перыяд, калі адбываюцца спатканні для сем’яў, альбо калі не можаце прыехаць на ўвесь тыдзень, далучайцеся да групы дарослых (максімальны час перабывання - тры начы), лепей ад чацвярга ці пятніцы да нядзелі, ці ад нядзелі да серады. Побыт, які ахоплівае канец аднаго тыдня і пачатак іншага, немагчымы. У такім выпадку бацькі самі вызначаюць між сабою, хто будзе займацца дзіцяці падчас супольнае малітвы ці групы дзялення. Для дзяцей не прадугледжана адмысловае праграмы.
Такі кароткі побыт магчымы толькі выключна ў перыяд паміж Пасхаю і канцом верасня; колькасць месцаў таксама абмежаваная. Калі ў вас няма магчымасці прывезці з сабою намёт, калі ласка, скантактуйцеся з намі перад планаваннем вашае паездкі.
Практычная інфармацыя
Olinda знаходзіцца ў адлегласці 10-15 хвілін пешшу ад Тэзэ. Для дзяцей малодшых за 5 гадоў можа быць прыдатны вазок.
Хатніх жывёлаў прывозіць забаронена.
Дзеля добрага інтэгравання ўсіх прысутных, калі ласка, з’арганізуйце ваш выезд такім чынам, каб у ім прымалі ўдзел не больш трох сем’яў.
Прыманне ўмовы прыязджаць раз на два гады будзе выразам салідаранасці з іншымі сем’ямі, каторыя таксама жадаюць сюды прыехаць. Калі ласка, паважайце гэтае правіла.
