TAIZÉ

Асабістая бяспека ў Тэзэ

 

Для многіх людзей Тэзэ з’яўляецца месцам даверу. Мы, браты Абшчыны, сёстры святога Андрэя і сёстры уршулянкі, а таксама валанцёры [1] ды ўсе тыя, хто звязаны з правядзеннем сустрэч [2], імкнемся зрабіць Тэзэ больш бяспечным месцам для ўсіх, хто нас наведвае, асабліва для маладзейшых за 18 гадоў [3], моладзі [4] ці для дарослых асобаў, якія патрабуюць спецыяльнае апекі [5].

У той самы час важна, каб кожная асоба была пільнаю дзеля таго, каб Тэзэ заставалася для ўсіх бяспечным месцам.

Па гэтых спасылках вы можаце знайсці неабходную інфармацыю, звязаную з пытаннямі асабістае бяспекі:
- нашыя захады
- чыннасці
- працэдуры
а таксама інфармацыю, якая тычыцца:
- санітарных пытанняў
- пытанні бяспекі

Апошняе абнаўленне: 9 May 2020

Footnotes

[1Маладзёны ва ўзросце ад 18 да 29 гадоў, якія перабываюць у Тэзэ цягам чатырох і больш тыдняў у мэтах практычнае дапамогі ў правядзенні сустрэч у Тэзэ. Дзяўчатамі-валанцёркамі асабіста апякуецца сястра уршулянка альбо сястра святога Андрэя; юнакам-валанцёрам асабіста таварышыць брат з Тэзэ.

[2Маюцца на ўвазе супрацоўнікі і чальцы іншых рэлігійных супольнасцяў альбо валанцёры, якіх папрасілі дапамагчы пры сустрэчах.

[3Усе непаўнагадовыя асобы да 18 гадоў, прымаючы да ўвагі, што падлеткі да 15 гадоў звычайна маюць быць у суправаджэнні бацькоў ці законнага апекуна на час іх побыту ў Тэзэ. Кожны непаўнагадовы ва ўзросце ад 15 да 18 гадоў павінен мець пісьмовую згоду свайго законнага апекуна (вы можаце скарыстацца гэтае формаю), якая накладвае на названую асобу, што перабывае ў Тэзэ разам з непаўнагадовым, адказнасць за іх, у тым ліку па медыцынскіх пытаннях.

[4Маюцца на ўвазе маладыя людзі ва ўзросце ад 18 да 29 гадоў, якія ўдзельнічаюць у моладзевых сустрэчах у Тэзэ.

[5Любы чалавек старэйшы за 18 гадоў, які знаходзіцца ў стане ўразлівага становішча: псіхалагічнага, фізічнага, маральнага ці сацыяльнага. Мы ўсведамляем, што людзі могуць знаходзіцца ў такім стане альбо выходзіць з яго ў тым ліку падчас іх знаходжання ў Тэзэ.

Ад чэрвеня 2019 года ў сувязі з абвінавачваннямі ў злоўжываннях з боку братоў Абшчына Тэзэ стала на шлях працэсу высвятлення праўды. Каб азнаёміцца з заяваю брата Алоіса ад 4 чэрвеня 2019 г., а таксама абноўленымі дадаткамі, калі ласка, перайдзіце на гэтую старонку.