TAIZÉБраты Абшчыны разам з сёстрамі з іншых супольнасцяў, што жывуць у Тэзэ, не былі б у стане прыняць вялічэзнае колькасці асобаў, якія прыязджаюць цягам года. Але прысутнасць групы валанцёраў чыніць тыя міжнародныя сустрэчы магчымымі.
Валанцёры ў Тэзэ – гэта моладзь ва ўзросце паміж 18 і 29 гадамі, якая бярэ на сябе розныя практычныя абавязкі падчас моладзевых сустрэч. Тым не меней, перабыванне ў якасці валанцёра з’яўляецца перадусім магчымасцю паразважаць наконт чарговага жыццёвага этапу шляхам рэфлексіі, рэгулярнае супольнае малітвы ды дзялення з іншымі. Кожны валанцёр мае магчымасць падчас рэгулярных сустрэч з адной з сясцёр (для дзяўчат) або адным з братоў (для юнакоў) паразмаўляць пра свае пытанні і роздумы.
У любы час у Тэзэ перабываюць каля 40 юнакоў і дзяўчат, што застаюцца на некалькі месяцаў альбо цягам года. Яны паходзяць не толькі з Еўропы, але таксама з іншых кантынентаў.
Такім чынам, стаць валанцёрам азначае:
• актыўна ўдзельнічаць у жыцці Тэзэ, якое суправаджаецца трыма супольнымі малітвамі;
• быць даступным для розных задач і паслуг падчас прыёму моладзі;
• удзельнічаць і ўзбагачаць супольнае жыццё групы, у якой мы жывем.
Спачатку валанцёраў прымаюць на выпрабавальны перыяд 4-5 тыдняў, перад тым як іх прымуць на даўжэйшы тэрмін. Мы не можам прымаць валанцёраў на перыяд, карацейшы за 4 тыдні. Цягам года існуюць перыяды, калі мы не запрашаем валанцёраў.
Калі ты прагнеш застацца на некалькі тыдняў, калі ласка, напішы нам на meetings taize.fr, распавядаючы крыху пра сябе, пра сваё дасвядчэнне ранейшага побыту ў Тэзэ і свае планы наконт твайго побыту. Калі ты ўжо кантактаваўся/кантактавалася з кімсьці з братоў ці сясцёр, будзе варта ўзгадаць пра тое ў сваім лісце.
Найбольш пытанае
Калі ты задумваешся пра даўжэйшы побыт (4 тыдні й болей), ніжэй пералічаныя некаторыя практычныя моманты.
Што я буду рабіць, калі застануся ў Тэзэ на некалькі тыдняў?
Сустрэчы ў Тэзэ арганізаваныя па тыднёвым прынцыпе. Тых, хто прыязджае на даўжэйшы тэрмін, мы просім першы свой тыдзень правесці разам з удзельнікамі, што застаюцца толькі на тыдзень, выбіраючы з прапанаваных разнастайных груп. Пачынаючы з другога тыдня ты правядзеш, дапамагаючы ў практычных рэчах: у камандзе па прыбіранні ці на кухні, у храме, у Oyak (некамерцыйная кавярня), на тэрыторыі кемпінгу, альбо дапамагаючы пры арганізацыі сустрэчы – перабываючы разам з групаю 15-16-гадовых падлеткаў, у камандзе начное варты, у групе, што прымае новых людзей і г.д. Таксама існуе магчымасць у пэўным моманце свайго побыту выбраць і правесці Тыдзень у цішыні.
Якім чынам выглядае звычайны дзень?
| 08:15 | ранішняя малітва і сняданак |
| 10:00 | практычныя абавязкі |
| 12:20 | малітва апоўдні, затым абед |
| 15:00 | практычныя абавязкі |
| 19:00 | вячэра |
| 20:20 | вечаровая малітва |
Двойчы на тыдзень адбываецца біблійнае разважанне разам з адным з братоў, сясцёр альбо іншай асобай, якая ўдзельнічае ў сустрэчах у Тэзэ. Штотыднёва адбываецца таксама збор вашае валанцёрскае групы для абмену думкамі з адным з братоў або сясцёр.
Ці я мушу валодаць замежнымі мовамі?
Няма абавязку размаўляць на іншых мовах перад тваім прыездам. Галоўнаю моваю ў валанцёрскіх групах з’яўляецца ангельская. Базавае валоданне французскае моваю можа быць карысна пры выкананні некаторых відаў абавязкаў. Ты здабудзеш моўныя здольнасці нават хутчэй, чым можаш сабе тое ўявіць!
Ці я мушу скласці грашовы ўнёсак за побыт?
Тых, хто прыязджае на 4 тыдні альбо болей, мы просім аплаціць іх першы тыдзень побыту. Пазней такога абавязку няма.
Дзе я буду жыць?
Пачынаючы ад другога тыдня і далей ты атрымаеш месца ў пакоі разам з іншымі валанцёрамі, што застаюцца на даўжэйшы час. Асобы, якія застаюцца ў Тэзэ больш доўгі час, рассяляюцца ў прыватных альбо 2-асабовых пакоях.
Што наконт ежы?
Валанцёры штотыдня маюць некалькі пасілкаў у меншых групах. Часцяком адзін з братоў альбо сястра прыходзяць, каб супольна з моладдзю спажыць пасілак.
Ці існуе магчымасць прыехаць з сябрам?
Прыезд у Тэзэ на даўжэйшы тэрмін – гэта асабісты выбар, менавіта таму так важна прыехаць самому/самой, а не з сябрам ці параю. Але ад Вялікадня да лістапада ў 2024 годзе ў Тэзэ будзе арганізавана магчымасць валантарыяту для 30-40-гадовых параў без дзяцей.
Што я мушу мець з сабою?
Біблію (друкаваны варыянт альбо ў тэлефоне); пасведчанне кіроўцы (калі маеце); медыцынскую страхоўку, важную для Францыі (напрыклад, для жыхароў Еўразвязу European Health Insurance Card/Еўрапейскую картку медыцынскага страхавання); для ўсіх іншых – даведку вашага медыцынскага страхавання; выпіску аб несудзімасці.
Што рабіць, калі я маю яшчэ іншыя пытанні?
Пішы нам і пытайся! meetings taize.fr
