Два погляды на жыццё пасля яго трагічнага канца, якое працягвае ззяць у Царкве і свеце. Кардынал Каспер, старшыня Папскае Рады па спрыянні еднасці хрысціянаў, бачыў у Брату Ражэ сімвал духоўнага экуменізму: сілкуючыся малітваю і сузіраннем, ён быў вымушаны даканаць унутранае прымірэнне, нікога не адвяргаючы. Брат Алоіс, ягоны наступнік на пасадзе прыёру Супольнасці, паказвае, як дабрыня была адлюстраваннем у ім Божае любові, і як ён дасведчыў гэтую любоў, асабліва ў дачыненні з моладдзю.